Кыргызстандын ИДПсы 4,6%га өстү

Ички дүң продукт алдын ала эсептөөлөр боюнча 2023-жылдын январь-март айларында 184 миллиард сомдон ашыкты түзүп, 2022-жылдын ушул мезгилине салыштырмалуу 4,6%га өстү. Бул тууралуу Улуттук статистикалык комитеттин төрагасынын орун басары Зайнидин Жумалиев билдирди.

Бул 2023-жылдын январь-мартында өнөр жай өндүрүшүнүн 7,6%га өсүшү химиялык продукцияны чыгаруунун өсүшүнүн эсебинен (36,4%), фармацевтика продукциясы (19,8%), жыгач жана кагаз буюмдары, полиграфия иши (16,2%), негизги металлдар (13,6%), резина, пластмасса буюмдары жана курулуш материалдары (10,7%), тамак-аш азыктары (анын ичинде ичимдиктер) жана тамеки продукциясы (3,1%ке), ошондой эле пайдалуу кендерди казып алуу (21,4%) менен шартталган.

Ошондой эле курулушта оң тенденциялар байкалып, көлөмдүн өсүшү 2,4%ды, айыл чарбасында - 1,9%ды, дүң жана чекене соодада - 11,8%ды түздү.