Январь айында ун өндүрүү 28%га жогорулаган

Быйыл январь айында ун өндүрүү 28%га өскөн. Бул тууралуу Улуттук статистика комитети маалымдады. 

Ага ылайык, январдын жыйынтыгы боюнча 19,2 миң тонна ун өндүрүлгөн. 

Нан өндүрүү, тескерисинче,  5,8 миң тоннага (1%) чейин кыскарган.

Кондитердик азыктарды чыгаруу 24%га көбөйүп, 630 тонна болгон. Ал эми макарон азыктарын чыгаруу 34%га өсүп, 2,4 миң тоннага жеткен. 

Эске салсак, 2022-жылы ун өндүрүү 1,5 эсеге көбөйүп, 225,2 миң тоннага жеткен.