Мамлекеттик карызды тейлөөгө дээрлик 29 млрд сом жумшалды

Быйыл январь айынан октябрь айына чейин мамлекеттик карызды тейлөөгө бюджеттен 28 миллиард 854,4 миллион сом бөлүнгөн. Бул тууралуу Каржы министрлигинин сайтына жарыяланды. 

Анын 19 миллиард 511,1 миллион сому тышкы карызды, 9 миллиард 343,3 миллион сому ички карызды тейлөөгө сарпталды.

Кошумчалай кетсек, 30-сентябрга карата Кыргызстандын мамлекеттик карызынын көлөмү 5 миллиард 217 миллион 880 миң доллар же 418 миллиард 384 миллион 370 миң сомго бааланган. Анын басымдуу бөлүгүн, же 79,8%ын тышкы карыз (4 млрд 162,6 млн доллар), ал эми 20,2%ын ички карыз (1 млрд 55,28 млн доллар) түзөт.