Бир айдын ичинде алтындын унциясы 454 долларга арзандады

Бүгүн, 13-апрелге карата алтындын унциясын кайра сатып алуу 174 миң 355,5 сомду түздү. Бул тууралуу Улуттук банктын маалыматында айтылат.

Алтындын унциясын кайра сатып алуудагы баасы максималдуу 213 миң 401,5 сомго жеткенден кийин, 14-марттан тарта алтындын унциясы арзандай баштады. Муну менен бир айда бир унция 39 миң 46 сомго же 453,92 долларга арзандады.

Кошумчалай кетсек, бүгүнкү күндө алтындын унциясын 198 миң 548 сомдон сатып алууга болот. 30-марттан бери алтын куймаларын сатуу баасы өзгөргөн жок.