Жума ичинде Улуттук банктын алтынынын унциясы дээрлик 250 долларга кымбаттады

Бүгүн, 11-апрелге карата Улуттук банк тарабынан аффинаждалган алтын куймаларын кайра сатып алуу баасы 185 миң 582 сом деп белгиленди. Бул тууралуу борбордук банктын сайтында маалымдалды.

Бир жума мурун Улуттук банк алтын куймасынын бир унциясын 162 миң 969 сомдон сатып алып жаткан. Муну менен бир жумада унция 22 миң 613 сомго же 244 долларга кымбаттады.

Кошумчалай кетсек, учурда Улуттук банктын аффинаждалган алтын куймасынын унциясын 198 миң 548 сомго сатып алууга болот.