Жарым жылдын ичинде ММК фонду дарыканаларга 130 млн сомдун ордун толтурду
2021-жылдын алты айында калктын камсыздандырылган категориясына милдеттүү медициналык камсыздандыруу боюнча 586,2 миң рецепт берилген, анда Милдеттүү медициналык камсыздандыруу фонду менен келишим түзгөн дарыканаларга компенсациянын суммасы 130 миллион сомду түзгөн, деп билдирет ММК Фонду.
ММК фондунун маалыматы боюнча, милдеттүү медициналык камсыздандыруу боюнча эң көп жеңилдетилген рецептер пенсионерлерге жана жумушчуларга берилген. Ордун толтуруунун орточо коэффициенти дары-дармектин баасынын 51,1% түздү.
Кошумчалай кетсек, Нарын жана Баткен аймактарын кошпогондо, республиканын бардык аймактарында дары-дармектер электрондук рецепт менен берилген.