Жарым жылда Казакстандан Кыргызстанга 200 млн доллардан ашык акча жөнөтүлгөн

Ушул жылдын алты айында жеке адамдар Казакстандан Кыргызстанга акча которуу системасы аркылуу 87,7 миллиард теңгени жөнөтүштү, бул 205 миллион 828,7 миң доллар болот. Мындай маалыматты Ranking.kz сайты жазып чыкты.

Басылманын маалыматы боюнча, 2021-жылдын январынан июлуна чейин Казакстандан чет өлкөгө түшкөн акчага караганда үч жарым эсе көп каражат жөнөтүлгөн.

Казакстандан эң көп акча Өзбекстанга жөнөтүлгөн. Андан кийин Түркия менен Орусия бар. Кыргызстан өлкөдөн акча которуулары боюнча төртүнчү орунда турат. Акча которуулардын олуттуу көлөмү Кытай менен Грузияга туура келет.

Басылманын Казакстандын Улуттук банкынын маалыматтарына таянган эсептөөлөрүнө караганда, жөнөтүлгөн акча каражаттары боюнча алдыңкы төрт өлкө - Өзбекстан, Түркия, Орусия жана Кыргызстан чет өлкөгө которуулардын жалпы көлөмүнүн 83,8% ын түзгөн.

Эң маанилүү айырмачылык Түркияда болгон, ал жерден алынган акчадан 16,4 эсе көп акча жөнөтүлгөн. Кыргызстанды алсак, айырма 4,7 эсе болгон.