Жарым жыл ичинде түз инвестиция аркылуу 393.7 млн$ түшкөн

Жарым жыл ичинде түз инвестиция аркылуу 393.7 млн$ түшкөн. Бул өткөн жылдагыдан 59.4% жогору дегенди билдирет.  

Чет жерден келген түз инвестициялардын 98%га жакыны геологиялык чалгындоо иштерине, өндүрүштүк ишканаларга, тоо-кендерди казып алууга, маалымат жана байланыш, дүң жана чекене соодага, каржылык ортомчулук жана камсыздандырууга багытталган. Инвестициянын көлөмү геологиялык чалгындоо иштерине 2018-жылга салыштырмалуу 3.6 эсеге, өндүрүштүк ишканаларга – 2.7 эсе, дүң жана чекене соодага – 26.9%га, маалымат жана байланышка – 0.5%га көбөйсө,  ал эми тоо-кендерди казып алуу иштерине тескерисинче 1.8 эсе, каржылык ортомчулук жана камсыздандырууга – 1.4 эсе азайган.