Жалал-Абад облусунда чек арадан мыйзамсыз мал алып өтүү аныкталды
Ала-Бука чек ара отрядынын кызматкерлери ИИМдин кызматкерлери менен бирге чек арадан мыйзамсыз мал алып өтүүгө аракет кылган адамды аныктады. Бул тууралуу тиешелүү мекемеден билдиришти.
Маалыматка ылайык, “Хундай-Портер” үлгүсүндөгү унааны текшерүү учурунда 4 баш бодо мал табылган. Бодо мал сатуу максатында Кыргызстандан Өзбекстанга мыйзамсыз алып чыгууга аракет кылынган.
“Алдын ала маалыматтар боюнча, кармалган малдын баасы 300 миң сомдун тегерегинде”, - деп айтылат маалыматта.
Бул мыйзамсыз фактыга тиешелүү документтер кошумча иликтөө иштерин жүргүзүү үчүн тиешелүү органдарга өткөрүлүп берилди.