Жалал-Абадда муниципалдык ишканалар онлайн аукциондо сатылат

Жалал-Абад шаардык мэриясынын Муниципалдык менчик башкармалыгы муниципалдык объектилерди сатуу боюнча аукцион уюштурат. Бул тууралуу Жалал-Абад шаардык мэриясынын маалымат кызматы билдирди.

Аукцион 2021-жылдын 20-сентябрында онлайн форматта өтөт.

Анда Жалал-Абад шаарынын Ж. Бакиев көчөсүнүн №7 жана №9 дарегинде жайгашкан муниципалдык балдар бейтапканасынын эски эки имараты сатылат. Бейтапканалардын башкапкы баасы 182 миң 400 сомго бааланууда.

Мындан тышкары, Жалал-Абад шаарынын Т. Тайгараев аймактык башкармалыгынын Качкынчы көчөсү №2 дарегинде жайгашкан мектептин имараты сатылат. Анын баштапкы баасы 93 миң 286 сом.

Ошондой эле, Жалал-Абад шаарынын Пушкин көчөсү №57 дарегинде жайгашкан №4 үй-бүлөлүк дарыгерлер тобунун эски имараттары сатылат. Алардын баштапкы баасы 155 мин 950 сом болууда.