Жогорку Кеңеш Кыргыз-Азербайжан өнүктүрүү фондунун шарттарын бекитти
Жогорку Кеңеш Кыргызстандын Министрлер кабинети менен кыргыз-азербайжан өнүктүрүү фондунун ортосундагы фонддун Кыргызстанда калуу шарттары тууралуу макулдашуунун долбоорун жактырды.
Макулдашууда фонддун кеңсесинин жана анын кызматкерлеринин кол тийбестиги, фонддун кызматкерлеринин эмгек акысын салыктардан жана чет өлкөлүк жарандар болгон фонддун кызматкерлерин аккредитациялоо карталарынан бошотуу каралган.
Фонддун теңтөрагасы Алмаз Мамбетовдун айтымында, азербайжан тарап буга чейин фонддун 25 миллион доллар өлчөмүндөгү уставдык капиталын Кыргызстандын Улуттук банкынын эсебине которгон.
"Фонддун Азербайжан тараптан теңтөрагасы учурда Кыргызстанда. Фонддун башкармалыгында Азербайжандан үч, Кыргызстандан эки мүчө бар. Алардын ичинде экономика, айыл чарба, ошондой эле санариптештирүү жана транспорт министрлеринин орун басарлары бар. Кыргызстандан фонддун кеңешине Экономика жана коммерция министринин орун басары Санжар Болотов жана каржы министринин орун басары Руслан Татиков кирди. Башкаруу курамына бизден үч, азербайжан тараптан эки мүчө кирет", - деди Мамбетов.