«Жунда» мунай заводу күздө иштеп баштайт

Чүй облусуна болгон жумушчу сапарынын алкагында Министрлер кабинетинин төрагасы Акылбек Жапаров “Жунда” мунай заводунун ишмердүүлүгү менен таанышты. Бул тууралуу өкмөттүн басма сөз кызматы билдирди.

Эске салсак, 2023-жылдын ноябрь айында ишканада капиталдык оңдоо иштери башталган. Заводду модернизациялоо быйыл күздө пландалууда.

"Заводду мурдагы кубаттуулукта ишке киргизүү 2024-жылдын экинчи кварталына болжолдонууда", - деп айтылат маалыматта.

Иш сапардын жүрүшүндө Министрлер кабинетинин башчысы оңдоо иштеринин жүрүшү, заводдун өндүрүштүк мүмкүнчүлүктөрү, нефтини кайра иштетүү тармагын өнүктүрүүнүн перспективалары менен таанышты.