Жыл башында ЕАЭБ өлкөлөрүндө керектөө баалары көтөрүлгөн
Январда мурунку айга салыштырмалуу бардык ЕАЭБге мүчө өлкөлөрдө керектөө баалары жана тарифтер жогорулаган. Бул тууралуу Улуттук статистикалык комитети билдирди.
Маалыматка ылайык, Кыргызстанда керектөө баасы 1,5 %га өскөн. Мунун себеби азык-түлүк товарларынын 1,8 %га кымбатташына байланыштуу.
Быйыл 2023-жылдын январында 2022-жылдын январына салыштырмалуу экономиканын керектөө секторунда инфляциянын эң жогорку деңгээли - 20,7 % Казакстанда байкалган. Казакстанда азык-түлүк товарларына болгон баа (алкоголдук ичимдиктерди жана тамекилерди эсепке алуу менен) - 25,7 %га, азык-түлүк эмес товарларга - 20,2 %га жана кызмат көрсөтүүлөргө - 14,2 %га жогорулаган.