Жыл башынан бери суу майдын баасы төмөндөдү

Быйыл жыл башынан бери айрым социалдык маанилүү товарларга карата баалар төмөндөдү. Бул тууралуу Монополияга каршы жөнгө салуу кызматынын жетекчиси Кеңешбай Тайлаков “Акчабарга” билдирди.

Маалыматка ылайык, кум шекер 4,3%га, 1-сорттогу ун 8,8%, тазартылган күн карама майы 14,1%га төмөндөгөн.  

“Күн карамага карата баалардын төмөндөшүнүн негизги себеби Министрлер кабинетинин кошумча нарк салыгын 0%га түшүргөнү, экспорттук баалардын төмөндөшү, тиешелүү чаралардын негизинде аталган товардын аймактарга арзаныраак кетип жатканы менен байланыштуу. Мындан кийин да бааларды көзөмөлдөөнү улантабыз”, - деди Кеңешбай Тайлаков.