Быйыл өлкө аймагында кайра иштетүүчү 60тан ашык жаңы ишкана ачылды. Бул тууралуу Бишкектеги маалымат жыйында айыл чарба, тамак-аш өнөр жайы жана мелиорация министринин орун басары Бермет Турсалиева билдирди.
Анын айтымында, алардын ичинен Баткенде 4, Жалал-Абад облусунда 15, Ош облусунда 7, Ысык-Көл облусунда 8, Нарын облусунда 6, Чүй облусунда 12, Ош шаарында 12 ишкана ачылган.
Турсалиева пандемияга байланыштуу антисептик каражаттарын өндүргөн ишканалардын саны 5тен 14гө чейин жеткенин айтат.
«Ал эми Нарын, Талас, Ошто эт-сүт азыктарын өндүрүүдө өсүш байкалган», - дейт ал.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
