КР Билим берүү жана илим министрлигинен быйыл мектепти аяктай турган мектеп бүтүрүүчүлөрү аттестаттарын качан, кайдан жана кантип алса боло тургандыгын айтып беришти.

Окуучуларды кесипке багыттоочу сабактар аралыктан өткөрүлүп жатат

Министрликтин басма сөз кызматынан кабарлашкандай, аттестат, күбөлүктөр 18-20-июнда берилет. Эгер бул датага чейин өлкөдө абал туруктуу болуп, тиешелүү органдар уруксат берсе, аттестаттар бүтүрүүчүлөргө салтанаттуу түрдө тапшырылат.
⠀

«Абал жөнгө салынбаса, ар бир окуучу мектеп берген график боюнча ата-энелери менен эки-үчтөн барып мектептен алып кетишет. 20-июнга чейин аттестат, күбөлүктөр бардык бүтүрүүчүлөрдүн колунда болуп калуусу шарт», - деп айтылат билдирүүдө.

 

Эске сала кетсек, быйыл Кыргызстанда быйыл 59 миңдей окуучу 11-классты бүтүрөт. Анын ичнен 1253 окуучу артыкчылык аттестатына талапкер. Ал эми 9-классты бүтүрүүчүлөрдүн саны быйыл 104 миңге жакын окуучуну түзөт.