"Центерра Голд" өзүнүн жөнөкөй акцияларын Нью-Йорк Фондулук Биржасында (NYSE) каттоого уруксат алганын компаниянын расмий сайты жарыялады.

"Центерранын" президенти Скотт Перринин айтымында, NYSEге кирүү чечими кабыл алынды, анткени жакынкы келечекте компания алтын өндүрүүнү жана ошого жараша кирешени көбөйтөт деп күтүлүүдө.

Өз кезегинде, NYSEдин листинг бөлүмүнө жооптуу Крис Тейлор Нью-Йорктун Фондулук биржасында Centerra Gold компаниясын дүйнөнүн алдыңкы компанияларынын катарына кошконуна кубанычта экендигин билдирди.

Белгилей кетсек, Кыргызстан 26,4% үлүшү менен Centerra Gold компаниясынын негизги акционерлеринин бири.