2019-жылдын жыйынтыктары боюнча чет элдик инвесторлор Кыргызстандын баалуу кагаздарына жалпы эсеп менен 616 млн сом салышкан. Бул тууралуу Мамлекеттик каржы рыногун көзөмөлдөө жана жөнгө салуу кызматынын коллегиясында анын төрагасы Арзыбек Кожошев билдирди.
Аталган каражаттардын 6,9 млн сому алыскы чет өдкөлөрдөн, ал эми 609,1 млн сому жакынкы чет өлкөлөрүнөн келгендиги айтылууда.
Коллегияда сүйлөп жатып, Өкмөттүн аппарат өкүлү Самат Кылжыев чет элдик инвесторлорду тартуу жана маалымат менен камсыздоо боюнча иштер жеткиликтүү деңгээлде жүргүзүлбөй жаткандыгын белгиледи.
«Баалуу кагаздар рыногуна чет элдик инвесторлору тартуу үчүн жагымдуу шарт түзүү абзел. Бүгүнкү күндө бул багытта жүргүзүлүп жаткан иштер жакшы деңгээлде болбой жатат. Буга көңүл буруңузду суранам»,-деди ал.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
