2021-жылдын декабрь айында кыргызстандыктар коммерциялык банктардагы депозиттерге 86 млрд 299 млн 267,1 миң сом салышты. Мындай маалыматты Улуттук банктан билдиришти.

Жарандар акча каражаттарынын көпчүлүк бөлүгүн талап кылынган эсептерге – 80,2 млрд сом же жалпы сумманын дээрлик 93%ын, дагы 6 млрд 66 млн сомун мөөнөттүү депозиттерге салышкан.

Муну менен декабрь айынын аягында коммерциялык банктардын депозиттик портфели 242 млрд 947 млн сомго бааланган. Жыл ичинде, 2021-жылдын декабрынын аягында 2020-жылдын ушул айына салыштырмалуу өсүш 34,2% түздү.