Швейцария өкмөтү Кыргызстандын медициналык кызматкерлеринин квалификациясын жогорулатуу үчүн 2,6 миллион доллар бөлөт. Бул тууралуу Саламаттык сактоо жана социалдык өнүктүрүү министрлигинин басма сөз кызматы билдирди.
2021-жылдын 23-сентябрында Министрлик менен Швейцариянын Кыргызстандагы элчилиги "Медициналык билим берүүнү реформалоо" долбоорунун III фазасы боюнча келишимге кол коюшту.
Долбоор Швейцария тарабынан 2013-жылдан бери Женева университетинин ооруканаларынын техникалык колдоосу аркылуу жергиликтүү өнөктөш Медициналык билим берүү боюнча демилгелер уюму менен биргеликте колдоого алынган.