Кечээ, 16-ноябрда комбанктар банктар аралык аукциондо 55 миллион 850 миң доллар сатып алышты. Бул тууралуу тиешелүү мекемеден билдиришти. 

Бул акыркы төрт жарым айдагы рекорддук көрсөткүч. Аукциондордо америкалык валютаны сатуунун өсүшү Улуттук банктын валюта рыногуна чыгышы менен байланыштуу. Ал 55,2 млн долларды 84,45 сомго же сооданын жалпы көлөмүнүн 98,8%ын түзгөн.

Акыркы жолу Улуттук банк валюталык интервенция менен 10-мартта чыккан. Анда банктар аралык базарда 19 миллион 450 миң доллар сатылган. Андан кийин жөнгө салуучу валюта рыногуна жети жолу тескери интервенция менен кирип, ал жерден жалпысынан 190 миллион 740 миң доллар сатып алышкан.

Жөнгө салуучу орган банктар аралык базарга АКШ долларынын курсунун өсүшүнө байланыштуу чыккан. Ноябрь айындагы аукциондордо америкалык валютанын орточо курсу 84,25 сомду түздү, бул октябрь айынын курсунан 2,35% жогору.

Жөнгө салуучу валюта рыногуна рынокту накталай эмес доллар менен толтуруу жолу менен америкалык валютанын кескин өсүшүн теңдөө максатында кирген. Эксперттердин баамында, Улуттук банктын интервенциясы жок эле чет элдик валюта жыл аягына чейин 100 сомго чейин өсүшү мүмкүн.