ЕТӨБ суу менен камсыз кылуу боюнча 5 бирдиктүү долбоорго 28 млн.€ бөлүшү күтүлүүдө.  Бул тууралуу премьер-министр Мухаммедкалый Абылгазиев менен ЕТӨБдун директорлор кеңешинин мүчөлөрү менен болгон жолугушууда билинди. 

Эл аралык банк бул каражатты Жалал-Абад, Мырзаке-Куршаб, Кербен, Нарын жана Исфана шаарларына суу менен камсыз кылуу долбоорун ишке ашырууга жумшайт. 

ЕТӨБ буга чейин Кыргызстанга 730 млн. $ ар түрдүү экономикалык багыттагы инвестиция жумшаган. Алардын ичинен, бөлүнгөн инвестициялар энергетика тармагына – 5%, каржы институтуна – 24% жана өнөр-жай, соода, агросекторго – 18%, жеке секторго 53% түзөт.