Германия жакынкы үч жыл аралыгында Кыргызстандын Экономика министрлигинин жашыл экономикага киргизе турчу идеяларына колдоо көрсөтөт. Бул тууралуу ведомстводон билдиришти.
Долбоордун максаты - үч тармакта туруктуу өнүгүүнү ишке ашыруу: Жер-жемиштерди өстүрүү, мал-чарбачылык жана туризмди өнүктүрүү.
Долбоор үч багытты камтыйт:
Өкмөттүк - жашыл экономика саясатын илгерилетүү;
Ишкердүүлүк- туруктуу жана экологиялык таза ишканаларды өнүктүрүү;
Коомдук - жарандар арасында жашыл экономика тууралуу түшүнүктү жогорулатуу.
Жашыл экономика акыркы он жылдан бери эң көп талкууланып келе жаткан экономикалык түшүнүктөрдүн бири. Бул тармактын ресурстары колдонулуп, бирок түгөнбөйт. Өндүрүштөн кийин калдыктар аз чыгат жана аны кайра иштетүүгө мүмкүн. Жаратылышты бузбай, экономикага чоң салым кошсо болот. Кыргызстан жашыл экономиканын шарттарын ишке ашыруу үчүн чоң потенциалга ээ.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
