Deutsche Gesellschaft für Internationale Zusammenarbeit (GIZ) GmbH Европа Бирлиги жана Германиянын Экономикалык Кызматташтык жана Өнүгүү Федералдык Министрлиги менен биргеликте "Аймактык өнүгүүнүн интеграцияланган программасы" программасынын үчүнчү этабына катышуу үчүн тендер жарыялайт. Долбоордун конкреттүү максаты - жергиликтүү калктын киреше алуу мүмкүнчүлүктөрүн жакшыртуу.  Бул Жалал-Абад облусуна көңүл буруу менен Кыргызстандын түштүгүндө жергиликтүү экономиканын өнүгүшүнө жана социалдык өнүгүүгө түрткү берет.

Долбоордук сунуштар аялдардын экономикалык мүмкүнчүлүктөрүн кеңейтүүгө, ошондой эле экономикалык интеграцияга жана жаштардын мүмкүнчүлүктөрүн кеңейтүүгө багытталууга тийиш.

Долбоордун жалпы максаты экономикалык жана социалдык өнүгүү демилгелери аркылуу өлкөнүн айыл жерлериндеги жакырчылыкты азайтууга жардам берүү деп айтылат маалыматта.