“Сосновка” өткөрүү пунктунда Мамлекеттик салык кызматынын кызматкерлери жасалма акциздик маркалар менен алкоголдук өнүмдөрдү ташуу фактысын аныктады. Бул тууралуу мекеменин сайтына маалымдалды.

Маалымат боюнча, айдоочу качып кетүүгө аракет кылган, бирок унаа жол туннелинин кире беришине күч менен токтотулуп, айып унаа токтотуучу жайга киргизилген.

Унааны текшерүү учурунда күмөндүү акциздик маркасы бар 4206 бөтөлкө спирт табылган.

Эске салсак, өлкөнүн аймагы боюнча жасалма акциздик маркалар менен же акциздик маркалары жок, ошондой эле уруксаат кагаздары жок алкоголдук же тамеки буюмдарын ташуу үчүн пайдаланылган транспорт каражаттары товарлар менен чогуу камакка алынат.