Жыл башынан бери Мамлекеттик салык кызматы салык карыздарын, туумдарды жана айып пулдарды төлөгөн ишканаларга 13,5 миллиард сомдон ашык каражатты кечкен. Бул тууралуу Мамлекеттик салык кызматынын басма сөз кызматы билдирди.

Ушул жылдын беш айында салыктык чегерүүлөрдү жана камсыздандыруу төгүмдөрүн төлөө боюнча карыздарын төлөгөн 3267 чарба жүргүзүүчү субъекттер туум жана санкцияларды төлөөдөн бошотулган.

Анын ичинен 2186 ишкана 6 миллиард 144,6 миллион сомду негизги салык карызын жабуу катары төлөгөн. Алар 13 миллиард 505,8 миллион сом эсептен чыгарылган.

Камсыздандыруу төгүмдөрү боюнча 134,9 миллион сом карызын төлөгөн дагы 1081 ишкана 36,5 миллион сом өлчөмүндөгү айыптык санкцияларды жана санкцияларды төлөөдөн бошотулду.

Мамлекеттик салык кызматы салык төлөөчүлөр карыздын негизги суммасын төлөөдө чегерилген айыптарды, туумдарды жана санкцияларды кечүү мүмкүнчүлүгүнө ээ экенин эске салат.

“Кошулган пайыздар, туумдар, салыктык санкциялар, камсыздандыруу төгүмдөрү боюнча туумдар, айып пулдар, санкциялар жана туумдар боюнча карыздарды реструктуризациялоо жөнүндө” Кыргыз Республикасынын мыйзамына ылайык, 1-июлга чейин салык жана камсыздоо карыздарын толук жапкандардын туум жана айыптары толугу менен чийилет. Ал эми 31-декабрга чейин төлөгөндөргө, сумманын жарымы кечирилет. 

2020-жылдын 1-июлуна чейин түзүлгөн карыз реструктуризацияланууга тийиш. Салыктар жана камсыздандыруу төгүмдөрү боюнча карыздарды жоюу үчүн катталган жери боюнча салык органына кайрылуу керек.