Жалал-Абад облусунун Жазы-Кечүү айылына электр энергия орнотулду. Бул тууралуу Улуттук энергохолдингтин басма сөз кызматы маалымдады. 

Кыргызстанда күйүүчү майдын көлөмү жетишсиз. Сентябрда баа көтөрүлүшү мүмкүн

Маалыматка ылайык, аталган аймакта  150 үй-бүлө жашайт. 

Президенттин тапшырмасы аркылуу эки айдын ичинде, Улуттук энергохолдинг тарабынан 6 бригада ишке кирип, Жазы-Кечүү айылы электр энергия менен камсыздалды. 

«Жалпысынан 654 зым тирөөч орнотулду, анын ичинен: 10 кВ чыңалуудагы 479 зым тирөөч, 0,4 кВ чыңалуудагы 175 зым тирөөч. 18 километрден ашуун электр берүү чубалгылары коюлуп, 4 анкердик тирөөч орнотулду. Ошондой эле айылда 110 кВА кубаттуулуктагы 1 трансформатор жана 160 кВА кубаттуулуктагы 2 трансформатор орнотулду», - деп жазылат маалыматта. 

 

Долбоордун жалпы сметасы 25 миллион сомду түзгөн.

Электр кубаты Сузак районунун Ак-Тоок айылындагы 35/10 кВ КЧ Кара-Кол фидерине берилет.