Кыргыз фондулук биржасынын биринчи рыногунда "КЫРГЫЗСТАН" коммерциялык банкынын акцияларын сатуу боюнча ири бүтүм түзүлдү. Маалымат биржанын сайтында жайгаштырылган.

Жалпысынан 55 миллион 234 миң 624 жөнөкөй акция сатылды. Ар бир баалуу кагаздын баасы 5 сомду түздү. Бүтүмдүн жалпы суммасы 276 миллион 173 миң сом болду.

Эске салсак, 2022-жылдын 31-мартында өткөн жылдык жалпы чогулушта акционерлер 2021-жылга бөлүштүрүлбөгөн пайданын эсебинен уставдык капиталды көбөйтүү чечимин кабыл алышкан. Алсак, ушул жылдын март айынын аягында банктын уставдык капиталы 1 миллиард 936 миллион 748 миң сомду түзсө, акцияларды жайгаштыргандан кийин ал 2 миллиард 212,9 миллион сомго чейин өсөт.