Швейцариянын бийлиги Кыргызстандагы коомдук имараттарды жылуулоо үчүн 2.66 млн доллар бөлдү. Бул тууралуу Кыргызстандагы Өнүктүрүү боюнча өнөктөштөрдүн координациялык кеңешинин сайтында маалымдалат.
Имараттардын басымдуу бөлүгү 20-30 жыл мурун салынган, ошондуктан көпчүлүгүндө кадимки заманбап жылытуу мүмкүнчүлүгү жок.
«Жылуулук менен камсыздоону жакшыртуу» долбоору Чүй, Нарын, Ыссык-Көл, Талас, Баткен, Ош жана Жалал-Абад облустарындагы жана Бишкек, Ош шаарларындагы саламаттык сактоо жана коомдук имараттарды эффективдүү жылытуу жана электр энергиянын колдонуусун азайтууга багытталган.
Бөлүнгөн каражатка имараттарды оңдоп-түзөө иштери жүргүзүлөт.
Кошумчалай кетсек, Дүйнөлүк банк жана Швейцария долбоорго 12.66 млн долларга каржылаган.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
