Бүгүн 28-мартта Россиянын экономиканы өнүктүрүү министри Максим Орешкин менен  Кыргызстандын эконмика министри Олег Панкратов 16 келишимге кол коюп, кызматташуу боюнча меморандумдар түзүлдү. 

Анын ичинде КР  өкмөтү  менен  Түмөн, Свердлов областары,  Коми Республикасы жана Башкортостан менен эки тараптуу кызматташуулар каралды.

Кыргызстан менен Россиянын ортосундагы инвестициялык келишимдер жана экспорттун көлөмү  $6 млрд болушу күтүлүүдө.

«Алдын ала сумманы так айта албайм. Бирок, биздин кечээ жана бүгүн кол коюп жаткан келишимдерибиз  $6 млрд түзөт. Бул тек гана инвестиция менен экспортко байланышкан келишимдер. Өкмөттөр аралык келишимде сумма каралган эмес. Анткени, бул тыгыз байланышты түзүүгө багытталган»— деп белгиледи Панкратов.