Киевде өткөн айыл чарба боюнча кыргыз-украин бизнес форумуна Кыргызстандан ондон ашык ишкерлер катышты. Бул тууралуу JIA бизнес ассоциациясы билдирди.

Бизнес ассоциация JIA Кыргызстандагы инвестициялык мүмкүнчүлүктөр жөнүндө, ал эми украин тарап суу ресурстары жана айыл чарбасы боюнча презентация жасады.

Кыргыз-украин бизнес форумунун жыйынтыгы боюнча кыргыз балчылары Украинанын аарычылык институту менен меморандумга кол коюшту.

Форумдан кийин ишкерлер украиналык кесиптештери менен өз тармактарында бетме-бет жолугушууларды өткөрүштү.