Социалдык прогресстин индекси(The Social Progress Index)– булThe Social Progress Imperativeэл аралык изилдөө долбооруунун  дүйнө жүзүнүн өлкөлөрүнүн жетишкендиктерин андагы коомдун социалдык прогресске жана бакубаттуулукка болгон көз карашына негизделген комбинацияланган көрсөткүчү.

Индекс коомдук пикирдин комбинацияланган маалыматтарынын негизинде (12 пайыз), өнүгүү тармагындагы эксперттердин баасында (25 пайыз) жана эл аралык уюмдардын статистикалык маалыматтарынын (61 пайыз) негизинде түзүлө тургандыгы айтылууда.

Тиги же бул өлкөнүн социалдык прогресс тармагындагы ийгиликтерин аныктоо үчүн чоң үч топко бириктирилген 50дөн ашуун көрсөткүч каралат:

• Адамдын негизги муктаждыктары- тамактануусу, негизги медициналык жардамга жеткиликтүүлүгү, калктын сабаттуулугунун деңгээли, маалымат жана коммуникация каражаттарына жеткилүүлүгү, саламаттыкты сактоонун деңгээли, экологиялык туруктуулук.
• Адамдын бакубаттуулугунун негиздери- билим алуунун жеткиликтүүлүгү жана калктын сабаттуулугунун деңгээли, маалыматка жана коммуникация каражаттарына жеткиликтүүлүгү, саламаттык сактоо деңгээли, экологиялык туруктуулук.
• Адамдын өнүгүү мүмкүнчүлүктөрү- жеке жана жарандык эркиндиктеринин деңгээли, адамдын өздүк потенциалын ишке ашырууга жана өздүк чечимдерин кабыл алууга болгон мүмкүнчүлүктөрү.

Аталган рейтингде 2019-жылдын жыйынтыктары боюнча Кыргызстан 66.64 упай менен 149 орундун ичинен 81-син ээледи. Рэнкингде Кыргызстан Монголияны (83-орун), Кытайды (89-орун), Өзбекстанды (100-орун), Түркмөнстанды (106-орун) жана Тажикстанды (107-орун) артка калтырды, ал эми 69-орунда жайгашкан Казакстандан 12 сапка артта калды.

Индекс ар бир өлкөнүн жетишкендиктерин 0дөн (туруктуулуктун эң төмөн дэңгээли) баштап 100гө (туруктуулуктун эң чоң дэңгээли) чейин өлчөйт.

Кошумчалай кетсек, эң мыкты жыйынтыктар Норвегия, Дания жана Швейцарияга таандык.