Чет өлкөдө мигрант болуп жүргөн кыргызстандыктар, октябрь айында Кыргызстанга 220.4 млн $ которушкан. Бул тууралуу Улуттук банк билдирет.
2019-жылдын сентябрь айына салыштырмалуу эмгек мигранттардын которгон каражаты 10.5 млн $ көбөйгөн.
Үстүбүздөгү жылдын акыркы 10 айында республикага 2 млрд 800 миң $ каражат мигранттар тарабынан жөнөтүлгөн. Бул 2018-жылдын 10 айына салыштырып караганда, 242.1 млн $ аз болгон.
Салтка ылайык, которулган сумманын көпчүлүк бөлүгүн, (98.1%) Орусияда иштеп жүргөн кырызстандык мигранттар (216.2 млн $) жөнөткөн.