Кыргызстанда социалдык маанидеги товарлардын баасы туруктуу. Бул тууралуу Экономика жана соода министрлигинин басма сөз кызматы билдирди.
Маалыматка ылайык, өлкөдө товарлардын кору жетиштүү, керектөөчүлөрдө таңкыстык жаралган жок.
Кээ бир социалдык маанилүү товарлардын баасынын өсүшү жылына 20 пайызды түзөт. Бир айдын ичинде 3%дан ашпайт.
Социалдык маанидеги товарларга баалардын негизсиз көтөрүлүшүнө жол бербөө боюнча иштер тиешелүү мамлекеттик органдар тарабынан жергиликтүү бийлик органдары менен бирдикте жүргүзүлөт, - деп айтылат маалыматта.