2020-жылдын 2 айында Кыргызстандын мамлекеттик карызын төлөөгө 5 млрд 362 млн сом жумшалган. Бул тууралуу республиканын финансы министрлиги билдирди. 

Президент: тышкы карыз үчүн эч кандай жер, кен байлыктары берилбейт

Анын ичинен мамлекеттик тышкы карызды төлөөгө 1 млрд 655.5 млн сом, мамлекеттик ички карызды төлөөгө - 3 млрд 706.5 млн сом жумшалган. 

Кошумчалай кетсек, февраль айында мамлекеттик карызды жабууга 2 млрд 797.9 млн сом бөлүнгөн. Бул январь айына салыштырмалуу 9.1% көп болгон. 

Эске сала кетсек, ведомство берген маалыматка ылайык 2020-жылы Кыргызстан мамлекеттик карызды жабууга 28.8 млрд сом жумшайт.