Мамлекеттик каттоо кызматы Санариптик өнүктүрүү министрлигинин карамагына өттү. Бул тууралуу Юстиция министрлиги билдирди.

Мындан тышкары, архив агенттиги, калкты жана жарандык абалдын актыларын каттоо департаменти, "Унаа" мамлекеттик мекемеси, "Инфоком" мамлекеттик ишканасы дагы Санариптик өнүктүрүү министрлигинин карамагына өткөрүлүп берилди.

Ушуга байланыштуу, жарандар жана юридикалык жактар ​​архивдөө, калкты, транспорт каражаттарын жана алар үчүн чиркегичтерди, атайын технологиялык унааларды, айдоочулук курамды, жарандык абалдын актыларын каттоо боюнча суроолор менен Кыргыз Республикасынын Санариптик өнүктүрүү министрлигине кайрылышы керек.