Бишкек жана Ош шаарларында 100 орундуу ооруканалардын курулушу ушул жумада башталат. Бул тууралуу өкмөттүн басма сөз кызматы кабарлады.

Премьер-министр Кубатбек Бороновдун айтымында, курулуш үчүн жер тилкелери жана курулуш тууралуу долбоорлор даярдоо этабында турат. Ош жана Бишкектеги ооруканалардын курулушун ушул жумада баштоо зарыл.

Мамкурулуш курулуш ишмердүүлүгүн жүргүзүүгө 309 лицензия берген

«Мамлекеттик курулуш, архитектура жана турак-жай коммуналдык чарбачылык агенттиги жооптуу орган болуп дайындалды. Саламаттык сактоо министрлигине ооруканаларды керектүү жабдыктар менен камсыздоо жана кадр тандоо жоопкерчилиги жүктөлдү»,-деди премьер-министр.

 

Республикалык штабдын отурумунун жүрүшүндө региондордо колдонулбай турган имараттар ооруканаларга айлана тургандыгы айтлды.

Өзбекстан коронавирус менен каршы күрөшүү үчүн 40 млн $ оорукана салды

«Аймактардагы өкмөттүн ыйгарым укуктуу өкүлдөрү Мамлекеттик курулуш, архитектура жана турак-жай коммуналдык чарбачылык агенттиги менен биргеликте аталган имараттарда оңңдоп-түздөө иштерин жүргүзүүнү камсыздоосу керек. Алар 1 айдын ичинде 100 орундуу ооруканаларга ылайыкташтылрылып, 25-30 орундугу жандандыруу блоктору катары жасалышы керек»,-деди өкмөт башчысы.

 

Андан сырткары, региондордо кошумча орундарды ачуу маселеси дагы талкууланды. Премьер-министр бул жаатта Ысык-Көл жана Жалал-Абад облусунун башчылары жетишсиз иш алып барып жаткандыгын белгиледи.