Каржы министрлигинин Борбордук казынасынын берген маалыматына ылайык, 11-майга карата Саламаттык сактоо министрлигинин админстративдик эсебине, коронавирус менен каршы күрөшүү үчүн ыктыярдуу негизде которулган каражаттын суммасы 137 млн 51 миң 774 сомду түздү.
Анын ичинен бүгүнкү күндө 76 млн 549 миң 165 сому коротулган.
Эсепке акыркы ирет 7-май күнү 219 миң 913 сом түшкөн. Анын ичинен, 177.3 миң сомду Америкалык «Интя» кайрымдуулук фонду которгон.
Кошумчалай кетсек, Соцөнүгүү министрлигинин эсебине 7-майга карата 100 миң сом келип түшкөн. Каражатты мамлекеттик «Кыргызаэронавигация» ишканасы которгон. Бишкек мэриясынын эсебине акыркы ирет 29-апрель күнү которулган.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
