Ушул жылдын 31-мартында депутаттар тарабынан кабыл алынган "Кесиптик бирликтер жөнүндө" мыйзамдын долбоору Жогорку Кеңешке мамлекет башчысынын каршы пикири менен кайтып келди, деп билдирди Тоо-металлургиялык кесиптик бирликтин төрагасы Элдар Тажибаев.

Эми депутаттар мыйзам долбоорун аягына чейин иштеп чыгып, макулдашылган вариантын даярдашы керек. Ошол эле учурда, макулдашуу комиссиясынын курамына Министрлер кабинетинин, кесиптик бирликтердин өзүлөрүнүн жана жумуш берүүчүлөрдүн ассоциацияларынын өкүлдөрү кириши керек.

Эске салсак, бул мыйзамдын кабыл алынышы Евробиримдик менен алымсыз соода жүргүзүү укугун берген ВС + программасына Кыргызстандын катышуусуна таасир этиши мүмкүн.

Мындан тышкары, 70 миң жаран бул мыйзам долбоорунун кабыл алынышына каршы петицияга кол коюшту.