Орусия Кыргызстанга Чолпон-Ата шаарындагы № 2 мамлекеттик резиденциянын жыйындар залын курууга жана телекоммуникациялык жабдуулар менен видеобайкоо жабдууларын сатып алууга 44,5 миллион сомдук грант бөлүп берет. Бул тууралуу бүгүн экономика жана каржы министринин орун басары Мирлан Байгөнчөков Жогорку Кеңештин бюджет жана финансы боюнча комитетинин жыйынында билдирди.

Анын айтымында, эки айдан бери жыйындар залы курулуп жатат. Долбоордун жалпы суммасы 112 миллион сомду түзөт.

Маалым болгондой, бөлмө 300 кишиге ылайыкталган жана Бишкектеги "Ала-Арча" мамлекеттик резиденциясындагы конгресс-холл сыяктуу болот. 

Белгилей кетсек, эл өкүлдөрү келишимди ратификациялоону жактырышты.