Россия-Кыргыз өнүктүрүү фонду 1 миң 957 долбоорду колдоп, алардын жалпы суммасы $307.2 млн жетти. Бул маалымат РКӨФ сайтында жайгаштырылган.
Бул каражаттын басымдуу бөлүгү аймактардагы жана Бишкек, Ош шаарларындагы чакан жана орто бизнести колдоого багытталган. Областар арасында Ысык-Көл областы лидерлик позицияда болуп, алар 338 долбоорду өздөштүргөн. Бишкек менен Ошто РКӨФ 340 жана 298 долбоорду ишке киргизген.
Финансалык колдоонун жарымынан көбү өндүрүштөгү бизнес-старт долбооруна жана агроөнөр жай тармагына — 52.5% жумшалган. Каражаттын аз бөлүгү финансы ишмердигине— 0.9% которулган.
Белгилей кетсек, Россия-Кыргыз Өнүктүрүү фонду өкмөттөр аралык келишимдин негизинде 2014-жылы негизделген. Уюмдун максаты — Кыргызстан менен Россиянын ортосундагы экономикалык кызматташууга өбөлгө болуп, кыргыз экономикасын модернизациялоо жана өнүктүрүү, мүмкүнчулүктү эффективдүү колдонуу, евразиялык экономикалык аймакка интеграциялоо.