Мурдагы вице-премьер-министр Тайырбек Сарпашевге 260 миң сом айып салынды. Бул тууралуу Kaktus.media Биринчи Май райондук сотуна шилтеме берип жазды.

Маалым болгондой, райондук соттун ушул жылдын 4-февралындагы өкүмү менен Сарпашев "Коррупция" беренеси боюнча күнөөлүү деп табылган.

Ал мамлекетке 260 миң сом төлөөгө өкүм кылынды.

Эске салсак, аткаминер өлкөнүн жогорку саясий жетекчилиги жана канадалык Centerra Gold Inc компаниясынын өкүлдөрү менен сүйлөшүп алган деп айыпталган. Бишкектин Биринчи Май райондук соту аны 31-июлга чейин камакта калтырып, бирок 29-июнда ал сыртка чыкпоо тил каты менен бошотулган.