Финансылык көзөмөл органы күрөөканалар тууралуу “Өкмөттүн банктык эмес финансы рыногу маселелеринин айрым чечимдерине өзгөртүүлөрдү киргизүү жөнүндө” токтомунун аткарылышы тууралуу маалымат берди.
Мекеменин маалыматы боюнча, быйыл 15-ноябрга карата Кыргызстанда 412 күрөөкана катталган. Алардын ичинен 131 күрөөкана (32%) гана Министрлер кабинетинин токтомунун талабына ылайык, уставдык капиталын 1 миллион сомго чейин көтөргөн.
Өкмөттүн токтому боюнча, күрөөканалар 2022-жылдын 1-июлуна чейин уставдык капиталдарын 1 миллион сомго жеткирүүгө милдеттүү эле.