Түрк тилдүү мамлекеттердин кызматташтык кеңешинин кезексиз жыйыны видеоконференция форматында өтөт. Бул тууралуу КР президентинин сайтында маалымдалат.
Эл аралык банк Кыргызстандагы коронавирустан коргонуу каражаттарын өндүргөн ишканаларга жардам беретМаалыматка ылайык жыйын бүгүн, 10-апрелде өтөт жана ага КР президенти Сооронбай Жээнбеков дагы катышат.
Азербайжан Республикасынын төрагалыгы астында өтө турган кезексиз жыйында коронавирус инфекциясынын жайылышы жана анын кесепеттери менен күрөшүүдө түрк тилдүү өлкөлөрдүн күч-аракеттерин бириктирүү маселеси талкууланат.
Видеоконференция форматындагы жыйынга Азербайжан Республикасынын Президенти Ильхам Алиев, Казакстан Республикасынын Президенти Касым-Жомарт Токаев, Түркия Республикасынын Президенти Режеп Тайып Эрдоган, Өзбекстан Республикасынын Президенти Шавкат Мирзиеев, Түркмөнстан Президенти Гурбангулы Бердымухаммедов, Венгриянын Премьер-министри Виктор Орбан жана ТМККнын башкы катчысы Багдад Амреев катышат.
Ошондой эле Дүйнөлүк саламаттык сактоо уюмунун (ДСУ) башкы директору Тедрос Аданом Гебреисустун катышаары күтүлүүдө.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
