Кыргызстан мамлекеттердин аялуу рейтингинде позициясын начарлатты. Тынчтык үчүн Фонд жүргүзгөн изилдөөгө ылайык, 2021-жылы өлкө беш тепкичке төмөндөп, 179 өлкөнүн ичинен 68-орунду ээлеген.

Өлкөнүн аялуу индекси 76,4 (+2,5) деңгээлинде аныкталып, кооптуулуктун күчөгөн зонасында калууда. Ал тобокелдиктин 12 көрсөткүчү боюнча баа берет, индекстин мааниси канчалык жогору болсо, өлкө ошончолук аялуу жана алсыз болот. Ошентип, республикада төрт көрсөткүч боюнча начарлоо байкалууда: «экономикалык төмөндөө», «мамлекеттин мыйзамдуулугу», «мамлекеттик кызмат көрсөтүүлөр» жана «демографиялык басым».

Белгилей кетсек, КМШ өлкөлөрүнүн ичинен Кыргызстан эң начар көрсөткүчкө ээ. Алсыздыгы боюнча республикага эң жакын Азербайжан жана Тажикстан (71-орун) болду.

Ошол эле учурда Финляндия, Норвегия жана Исландия дүйнөдөгү эң туруктуу өлкөлөр деп аталды.