Былтыркы жылдын жыйынтыгы боюнча Кыргызстандын Эл аралык валюта фондуна мамлекеттик карызы 376,38 миллион долларды түздү, деп билдирди Каржы министрлиги.

Ошол эле учурда 2019-жылдын жыйынтыгы боюнча карыз 140,34 миллион долларды түздү. Муну менен 2020-жылы Кыргызстан ЭВФке болгон карызын 2,7 эсеге же 236,04 миллион долларга көбөйткөн. Бул фондду 2020-жылы республиканын негизги кредитору кылган.

Ушул жылдын сентябрынын аягында ЭВФке болгон карыз 354,77 миллион долларды түзгөнүн кошумчалайбыз.