Кыргызстандын мамлекеттик бюджетинин кирешелеринин жалпы көлөмү 2023-жылга мамлекеттик инвестициялык гранттарды эсепке алуу менен 352 миллиард 323 миллион сом деп болжолдонууда, деп билдирди Каржы министрлиги.
Бул ички дүң продукциянын 38% түзөт.
2022-жылдын бекитилген бюджетине салыштырмалуу мамлекеттик бюджеттин кирешелери номиналдык мааниде 47 миллиард 136,3 миллион сомго көбөйөт.
“2024-2025-жылдары мамлекеттик инвестициялык гранттарды эске алуу менен мамлекеттик бюджеттин кирешелеринин жалпы көлөмү 2024-жылдагы 400 млрд 259,5 млн сомдон 2025-жылы 416 млрд 326 млн сомго чейин көбөйөт”, - деп белгилейт тиешелүү мекеме.