2021-жылдын июнь айынын башында кызыл зонада иштеген медициналык адистерге компенсация төлөө үчүн республикалык бюджеттен 600 миллион сом бөлүнгөн. Бул тууралуу Министрлер кабинетинин төрагасынын орун басары Жылдыз Бакашова Нарын облусуна болгон жумушчу сапарында билдирди.

Бакашованын айтымында, бардык төлөмдөр өз убагында жана толук көлөмдө жүргүзүлөт.

"Июнь айынын башында кызыл зонада иштеген медициналык адистерге компенсация төлөө үчүн республикалык бюджеттен 600 миллион сом бөлүнгөн. Бардык төлөмдөр өз убагында жана толук көлөмдө жүргүзүлөт. Нарын районунун медицина кызматкерлери бийик тоолуу шарттарда иштешет. Дарыгерлерге жарандардын ден-соолугу жана өмүрү үчүн күрөшүүдө жан аябастык менен эмгектенгендиги үчүн терең ыраазычылыгымды билдирем", - деди ал.