ЕАЭБде товарларга жана кызмат көрсөтүүлөргө керектөө бааларынын индекси январь-октябрь айларында өткөн жылдын ушул мезгилине салыштырмалуу 114,1% түздү. Бул тууралуу Евразия экономикалык комиссиясы билдирди.
Биримдиктеги өлкөлөрдүн ичинен керектөө товарларына болгон баалар эң көп Белорусияда 15,7% өссө, андан кийин Орусияда 14,1%га жогорулаган. Кийинки орунда Казакстанда 13,9% жана Кыргызстанда 13,7%га өскөн.
Керектөө баалары баарынан эң аз Арменияда көтөрүлгөн. Ал 8,7%ды түзөт.
“Кыргызстанда азык-түлүк товарларына баалар 16,1%га, азык-түлүк эмес товарларга 10,9%га, акы төлөнүүчү кызматтарга 9,8%га кымбаттады”, - деп белгиледи Евразия экономикалык комиссиясы.