Кыргызстан юридикалык жактар ​​менен жеке ишкерлердин ортосундагы накталай төлөмдөрдүн көлөмүн чектеген өзгөртүүлөрдү киргизүүнү көздөөдө. Бул боюнча өзгөртүүлөр бүгүн, 8-июнда Жогорку Кеңеште каралды.

Мыйзам долбоору менен Жарандык кодекске накталай эмес төлөмдөрдү кеңейтүүгө багытталган өзгөртүүлөр киргизилүүдө.

Тактап айтканда, юридикалык жактар ​​үчүн 100 миң сомдон, жеке ишкерлер үчүн 500 миң сомдон ашкан учурларда накталай эмес төлөмдөр боюнча талапты киргизүү сунушталууда.

Бул эреже жеке адамдар тарабынан жүргүзүлгөн операцияларга таасирин тийгизбей турганы баса белгиленет.

Азыр Кыргыз Республикасында накталай төлөмдөрдүн үлүшү (53,4%) накталай эмес төлөмдөрдүн үлүшүнөн (46,6%) жогору.

Белгилеп кетсек, параллелдүү түрдө бардык мамлекеттик кызматтарды накталай эмес төлөмдөргө өткөрүү боюнча иштер жүрүп жатат.

Мыйзам долбоору биринчи окууда каралып, добуш берүүгө жөнөтүлдү.